Cavol: Xodim 3 kunga kasallik varaqasi ochtirgan. Shuning 2 kuni shanba-yakshanba, dam olish kunlariga to'g'ri kelmoqda. Necha kunga haq to'lanadi?

Savolga huquqshunos Muhammadamin Karimjonov javob beradi.

— vazirlar Mahkamasining 2024 yil 31 maydagi 314-son qaroriga 1-ilova — «vaqtinchalik mehnatga layoqatsizlik, homiladorlik va tug'ish bo'yicha nafaqalarni hamda yangi tug'ilgan bolani farzandlikka olgan yoki unga vasiy qilib belgilangan xodimga nafaqani tayinlash hamda to'lash tartibi to'g'risida»gi Nizomning 38-bandiga ko'ra, nafaqaning (vaqtinchalik mehnatga layoqatsizlik, homiladorlik va tug'ish bo'yicha nafaqa) umumiy summasi kunlik o'rtacha ish haqini ushbu oyda vaqtinchalik mehnatga layoqatsizlik, homiladorlik va tug'ish ta'tili hamda yangi tug'ilgan bolani farzandlikka olgan yoki unga vasiy qilib belgilangan xodimga beriladigan ta'til tufayli ishga kelmagan ish kunlari soniga ko'paytirish yo'li bilan aniqlanadi!
Demak, vaqtinchalik mehnatga layoqatsizlik, homiladorlik va tug'ish bo'yicha nafaqalar, ya'ni bol'nichniy va dekret pullari uchun faqat ish kunlariga haq to'lanadi!