БААга қарши 0:0 ҳисобидаги натижадан сўнг Ўзбекистон терма жамоаси тарихда илк бор Жаҳон чемпионати–2026 йўлланмасини қўлга киритди. Ўйиндан сўнг дунёнинг турли мамлакатларидан – Қирғизистон, Қозоғистон, Тожикистон, шунингдек, Миср, Тунис ва бошқа давлатлардан футбол ишқибозлари ижтимоий тармоқларда ўз табрикларини йўллашди.

Фойдаланувчилар бу ютуқнинг аҳамиятини нафақат Ўзбекистон, балки бутун Марказий Осиё учун муҳим воқелик сифатида баҳолашди.

Қуйида айрим шарҳлардан иқтибосларни келтириб ўтамиз:

«Ўзбек биродарларимизни табриклаймиз! Омад ёр бўлсин»

«Дарвозабонимиз – қаҳрамон!»

«Ўзбекистон Жаҳон чемпионатида! Баракалла, биродарлар»

«Бутун тожик халқи номидан Ўзбекистон терма жамоасини ЧМга чиққани билан табриклайман»

«34 йил – ва ниҳоят, биз Жаҳон чемпионатидамиз!»

«Тунисдан табриклаймиз»

«Албатта, бунда Сречко Катанецнинг ҳам ҳиссаси бор.

Табриклайман!»

«2026 йилги чемпионатга чиққан ўзбек биродарларимизни табриклаймиз!»

«Мисрдан муҳаббат билан»

«Қозоғистондан табриклар!»

Құтты болсын Өзбек бауырлар үлкен жетістіктерің. Тамаша ойын, тамаша команда және тамаша басшылар!

Қутлуғ бўлсин, ўзбек биродарлар! Бу - катта ютуғингиз. Аъло ўйин, аъло жамоа ва аъло раҳбарлар!

Бу ғалабадан сўнг Ўзбекистон терма жамоаси «А» гуруҳидаги 18 очко билан иккинчи ўринни мустаҳкамлади ва шу билан Жаҳон чемпионати финал босқичига йўл олди.

Бундай натижа билан Ўзбекистон собиқ Иттифоқ давлатлари орасида Жаҳон чемпионати финалига чиққан учинчи мамлакат бўлди. Илгари бу муваффақиятга фақат Россия (тўрт марта, жумладан 2018 йилда мезбон сифатида) ва Украина (2006 йилда) эришган эди.