Nufuzli festival dunyoning turli davlatlaridan tashrif buyurgan taniqli opera xonandalari, balet ustalari va dirijyorlarini birlashtiradi. Tadbir teatr old maydonida open air Gala-kontsert bilan ochildi. Tomoshabinlar ochiq osmon ostidagi yorqin va unutilmas musiqiy kechadan bahramand bo‘lishdi.

Ushbu musiqiy kechalarda Evropa va Osiyoning La Scala, Arena di Verona, Metropolitan Opera, Teatro Massimo va Teatro Regio kabi mashhur teatr sahnalarida ijod qilayotgan sanʼatkorlar ishtirok etadi.
Shuningdek, ilk bor Toshkent tomoshabinlariga ochiq osmon ostida Adolf Adanning "Jizel" baleti taqdim etiladi. Bu o‘ziga xos noyob voqea bo‘lishi shubhasiz. Afsonaviy spektakl sehrining tun tarovati bilan uyg‘unlashishi jahon durdonasi bilan uchrashuvga alohida fayz bag‘ishlaydi.

Festival xalqlar o‘rtasidagi aloqalarni mustahkamlaydi va yurtimiz aholisi hamda mehmonlariga esda qolarli taassurotlarni tuhfa etadi.

Rushana Zarpullaeva
O‘zJOKU talabasi