Kadastr agentligi aholiga muhim murojaat bilan chiqdi
So'nggi vaqtlarda o'zini sobiq yoki amaldagi kadastr xodimi sifatida tanishtirib, “er olib beraman”, “er maydoni toifasini o'zgartirib beraman” deb va'da berayotgan va aholini firibgarlik yo'li bilan pul to'lashga undayotgan shaxslar ko'paymoqda.
Shu munosabat bilan Kadastr agentligi mazkur holat yuzasidan jamoatchilikka murojaat bilan chiqdi.
Qat'iy ravishda ma'lum qilamizki, nafaqat hududiy boshqarma va tizim tashkilotlari hatto, Kadastr agentligi rahbariyatida ham bunday vakolat yo'q. Ushbu jarayonni hech bir shaxs yoki muassasa “pul evaziga” bajara olmasligi, qonun bilan qat'iy tartibga solinganini alohida ta'kidlaymiz.
1. Uy-joy qurish va tadbirkorlik maqsadlari uchun yer maydonlari onlayn autsion orqali ochiq savdoga qo'yiladi;
2. Yerning toifasini o'zgartirish faqat va faqat O'zbekiston Respublikasi Prezidenti ruxsati bilan amalga oshiriladi.
Eslatma: Er toifasi o'zgartirilgan taqdirda ham ushbu yer davlat zaxirasiga olinadi va qayta realizatsiya qilinadi.
Qolaversa, shunday shubhali takliflar bo'lganda Kadastr agentligining 1097 qisqa raqamiga murojaat qilishingizni so'raymiz, deyiladi murojaatda.
Maqolaga baho bering
0/50
0
0
0
0