Soliq qo‘mitasida blogerlar ishtirokida o‘tkazilgan ochiq muloqotda maʼlum qilinishicha, tizimli tahlillar asosida mamlakatdagi eng faol 110 nafar bloger ro‘yxati shakllantirilgan. Ularning 55 nafari o‘zini o‘zi band qilgan shaxs, 33 nafari yakka tartibdagi tadbirkor sifatida ro‘yxatdan o‘tgan. Qolgan 22 nafari esa hech qanday tadbirkorlik maqomisiz jismoniy shaxs sifatida faoliyat yuritmoqda. Bu holat blogerlik faoliyatining haqiqiy ko‘lami bilan uning rasmiy huquqiy maqomi o‘rtasida tafovut mavjudligini ko‘rsatmoqda.

Uchrashuvda reklama orqali olinadigan daromadlarni soliqqa tortish tartibi yuzasidan tushuntirishlar berildi. Shuningdek, o‘zini o‘zi band qilgan shaxs maqomi xodim yollash huquqini bermasligiga qaramasdan, ayrim blogerlar amalda administrator va boshqa mutaxassislarni jalb qilayotgani taʼkidlandi. Qo‘mitasi vakillari blogerlik faoliyatini qonunchilik talablariga muvofiqlashtirish va daromadlar shaffofligini taʼminlash muhim vazifalardan ekanini qayd etishdi.