Мирзиёев 2-3 ноябрь кунлари Остона шаҳрига боради
Қозоғистон пойтахтида Туркий давлатлар ташкилотига аъзо давлатлар раҳбарлари учрашади.
Шавкат Мирзиёев Қасим-Жомарт Тоқаевнинг таклифи билан Туркий давлатлар ташкилоти Давлат раҳбарлари кенгашининг навбатдаги йиғилишида иштирок этиш учун 2-3 ноябрь кунлари амалий ташриф билан Остона шаҳрида бўлади.
Саммит кун тартибидан ташкилот доирасидаги кўп томонлама ҳамкорликни, энг аввало, савдо-иқтисодиёт, инвестиция, транспорт-коммуникация, экология, маданий-гуманитар ва бошқа соҳаларда янада ривожлантириш масалалари ўрин олган.
Делегациялар раҳбарлари халқаро сиёсат ва минтақавий ҳамкорликнинг долзарб масалалари юзасидан ҳам фикр алмашадилар. Тадбирлар якунида қатор қўшма ҳужжатлар қабул қилиниши кўзда тутилган.
Эслатиб ўтамиз, жорий йилда Туркий давлатлар ташкилотига Ўзбекистон раислик қиляпти ва ташкилотга раислик доирасида аъзо давлатлар ўртасида ҳамкорликни янада чуқурлаштиришга қаратилган 100 дан ортиқ муҳим тадбир ўтказилди.
Маълумот учун, ташкилотга Ўзбекистон, Озарбайжон, Қозоғистон, Қирғизистон ва Туркия аъзо давлатлар, шунингдек, Венгрия ва Туркманистон эса кузатувчи мақомидаги давлатлар ҳисобланади.
Долзарб мавзулар
Mақолага баҳо беринг
0/50
0
0
0
0