Шавкат Мирзиёев: халқаро майдонда ўзаро ишонч ва бир-бирини тушуниш инқирози сезиляпти
Тошкент шаҳрида Туркий давлатлар ташкилотига аъзо давлатлар Хавфсизлик кенгашлари котибларининг иккинчи йиғилиши бўлиб ўтмоқда. Шу муносабат билан Ўзбекистон Республикаси Президенти Шавкат Мирзиёев йиғилиши иштирокчиларини қутлади.
Давлат раҳбари ўз нутқида “Аввало, сизларнинг тимсолингизда ҳамкасбларим – Туркий давлатлар ташкилотига аъзо давлатлар раҳбарларига ўзимнинг чуқур ҳурмат-эҳтиромимни ҳамда Ўзбекистон раислигини қўллаб-қувватлаганлари учун самимий миннатдорчилигимни билдираман”, дея таъкидлайди.
Табрикда “Туркий давлатлар ташкилотининг жадал ўсиб бораётган салоҳияти ва обрў-эътибори – бу бизнинг дўстлигимиз ва бирдамлигимиз куч-қудратининг ҳамда фақат биргаликда сезиларли ва улкан натижаларга эриша олишимизнинг яққол тасдиғидир”, дея эътироф этилади.
Шавкат Мирзиёев ўз нутқида, шунингдек, “Халқаро майдонда ўзаро ишонч ва бир-бирини тушуниш инқирози кескин сезилмоқда. Глобал ва минтақавий хавфсизликка қарши таҳдидлар кучаймоқда ва янги хавф-хатарлар вужудга келмоқда”, дея қайд этди.
Таъкидланишича, йиғилишда терроризм, экстремизм ва ёшларнинг радикаллашуви, кибержиноятчилик, наркотик воситаларнинг тарқалиши, трансчегаравий жиноий гуруҳлар фаолиятига қарши курашишда кучларни бирлаштириш ҳамда фавқулодда вазиятларда тезкор ҳаракат қилиш билан боғлиқ бўлган кенг кўламдаги долзарб вазифалар юзасидан фикр алмашилади.
Долзарб мавзулар
Mақолага баҳо беринг
0/50
0
0
0
0