Бугун, 25 декабр куни вилоят "Фарҳод" маданият саройида Янги йил байрамида анъанавий тарзда ўтказиладиган “Президент арчаси” байрам тантаналари юқори кайфиятда бўлиб ўтди. Унда оилавий болалар уйлари тарбияланувчилари, ота-она қарамоғидан маҳрум бўлган болалар, юртимиз тинчлиги йўлида қурбон бўлган ҳуқуқни муҳофаза қилувчи органлар ходимларининг фарзандлари қатнашди.

Тадбирда вилоят ҳокими Нормат Турсунов бошчилигидаги масъуллар иштирок этиб, болажонларни Янги йил билан табриклади ва уларга президент совғалари тантанали тарзда топширилди.

Байрам театрлашган саҳна кўринишларига уланиб кетди. Қорбобо, Қорқиз ва эртак қаҳрамонлари иштирокидаги байрам томошаси болажонларга унутилмас қувончли лаҳзаларни ҳадя этди.