Тадбирда васийлик ва ҳомийликка олинган болалар, шунингдек, ота-онаси ватанимиз сарҳадларини ҳимоя қилиш йўлида ҳалок бўлганларнинг фарзандлари қатнашди.

Қорақалпоғистон Республикаси Жўқорғи Кенгеси Раиси Аманбой Оринбаев болаларни янги йил билан табрикларкан, юртимизда улар учун яратиб берилаётган шароит ва имкониятларга тўхталди. Байрам тадбирида Қорбобо, Қорқиз ва эртак қаҳрамонлари иштирокидаги саҳна кўринишлари намойиш қилинди ҳамда Президентимиз совғалари топширилди.

Шунингдек, бу каби тадбир ва совға топшириш маросими Тахиатош “Болалар уйи”да ҳам кенг нишонланди.Совғалардан хушнуд тарбияланувчилар шу дамда чинакам байрам кайфиятини ҳис қилишди.

Фотима Абдураимова,
ishonch.uz