Аёллар ва эркаклар сони ўртасидаги фарқ

Аҳоли таркибида эркаклар ва аёллар ўртасидаги фарқ сезиларли. Аёллар сони 18 718 679 кишини ташкил этса, эркаклар сони эса 18 990 182 кишига етди. Бу эса эркаклар сонининг аёллардан 271 503 кишига кўпроқ эканлигини англатади. Шунингдек, умумий фарқнинг нисбатан кичиклиги, аҳоли мувозанати сақланаётганини кўрсатади.

Аҳоли сонининг ўсиши

Ўзбекистоннинг доимий аҳоли сони 2024 йил 1-январда 37,1 миллионни ташкил этган эди. Йил давомида 600 минг нафарга ортди. Бу ўсиш мамлакатда демографик барқарорликни ва аҳоли ўсишининг юқори суръатда давом этаётганини кўрсатади.

Аҳоли сонининг ўсишига кўплаб омиллар таъсир кўрсатмоқда. Хусусан, соғлиқни сақлаш соҳасидаги яхшиланишлар, туғилиш даражасининг ўсиши, ўлим даражасининг камайиши ва кўчиб ўтувчиларнинг камайиши бунга сабаб бўлмоқда. Ўзбекистоннинг ёш ва ишлашга яроқли аҳолиси ўсиши, мамлакатнинг иқтисодий тараққиётига ижобий таъсир кўрсатмоқда.

Демографик ўзгаришлар ва иқтисодий таъсир

Аҳоли сонининг ўсиши фақат рақамлар билан ўлчанмайди, балки унинг ижтимоий ва иқтисодий ўсишга таъсири ҳам катта. Аҳоли сонининг ортиши, янги иш ўринлари яратиш, таълим ва соғлиқни сақлаш тизимларини яхшилашни талаб қилади.

Масалан, аҳоли сонининг кўпайиши билан бирга, жамиятда ишчи кучи кўпаяди, бу эса иқтисодиётнинг турли соҳаларида янги имкониятлар очади. Шунингдек, ёшлар сонининг ортиши, келажакда инновацион ва технологик ривожланиш учун муҳим ресурс бўлиши мумкин. Шу билан бирга, аҳоли сонининг ўсиши, ижтимоий хизматлар ва инфратузилма тизимларининг ривожланишига, уларни янгилаш ва такомиллаштиришга урғу беришни талаб этади.

Машҳура ЖЎРАҚУЛОВА

Ishonch.uz