Андижонда экология масъуллари 9 ойда 6432 та дарахтни кесишга рухсат беришган
Экология, атроф-муҳитни муҳофаза қилиш ва иқлим ўзгариши вазирлигининг Андижон вилояти бошқармасига шу йилнинг 9 ойида 13 минг 647 та дарахтни кесишга рухсатнома олиш билан боғлиқ 309 та мурожаат келиб тушган. Мазкур сўровларнинг 136 тасига ижобий хулоса берилган ва 6432 та дарахт кесилган. Бу кунига ўртача 24 та дарахт ағдарилди, дегани.
Масъул идора бошлиғининг халқ депутатлари вилоят кенгашига ҳавола қилган ҳисоботида келтирилишича, илдизига болта урилган дарахтларнинг 852 таси қимматбаҳо ҳисобланади.
Таъкидланишича, 7107 та (шундан 5012 таси қимматбаҳо навли) дарахтни кесиш учун рухсат сўралган 162 та мурожаатга асослар йўқлиги сабабли рад этиш хулосалари берилган.
Маълумотга кўра, вилоят бўйича ҳудудий инспекциялар томонидан сўз бораётган даврда жами 2211 нафар ҳуқуқбузарга нисбатан 2 миллиард 538 миллион сўм миқдорида жарималар қўлланилган.
Жумладан, ўсимлик дунёсини муҳофаза қилиш ва ҳайвонот дунёсидан ноқонуний овлаш ҳолатларининг олдини олиш бўйича ўтказилган назорат тадбирлари чоғида 70 та ноқонуний ҳаракат аниқланган ва ҳуқуқбузарларга 356 миллион сўмлик жарималар расмийлаштирилган. Мазкур қонунбузарлик ҳаракатларининг 48 таси ўсимлик дунёсини муҳофаза қилиш йўналишида қайд этилган.
Долзарб мавзулар
Mақолага баҳо беринг
0/50
0
0
0
0