Ғаройиб уйлар
Архитектура дурдоналари кўпчиликни ҳайрон қолдиради ва завқ беради. Баъзи уйларнинг дизайни ташқи кўринишлари билан барчани лол қолдира олади. Қуйида дунёнинг энг ғаройиб ва хавфли уйлари ҳақида тўхталиб ўтамиз.
Кацхи устуни
Грузиядаги тош устуннинг тепасида ғаройиб черковни топиш мумкин. 40 м баландликдаги оҳактош монолит эрамизгача бўлган даврда маҳаллий аҳоли орасида унумдорлик рамзи бўлган. VI-VIII асрларда бу ерда черков қурилган. 1500-йилларга қадар роҳиблар бу ерда ташқи дунёдан ажратилган ҳолда яшаб, вафот этган. Усмонли империясининг босқинчилик даврида черков узоқ вақт давомида ташландиқ бўлган. 1944 йилда улар узоқ вақтдан бери биринчи марта устунга кўтарилиб, у ерда маъбуднинг қадимий қолдиқларини топдилар. XX-асрнинг 90-йиллари бошларида, Грузияда насронийликнинг қайта тикланиши билан бу ерга зиёратчилар кела бошладилар. Роҳиблардан бири ҳатто яшаш учун кўчиб ўтди, маъбудни тиклаш учун хайр-эҳсонлар олди ва бинони тиклашга муваффақ бўлди ва шу ерда яшаш учун қолди. Бу масканни жуда романтик деб ўйлашингиз мумкин, лекин унга кўтарилиш қанчалик қийинлигини тасаввур қилинг. Ва ундан ҳам кўпроқ, агар сиз озиқ-овқат ёки бошқа нарсаларни кўтаришингиз керак бўлса. Чўққига чиқишнинг ягона йўли – кичик зинапоя. Зиналар темирдан ясалган ва маҳаллий маъмурлар унга кўтарилишдан огоҳлантиради. Черков Грузиядаги энг хавфли бинолардан бирига айлантирилган.
Билбо уйчаси
“Узуклар ҳукмдори” трилогиясига мухлис бўлган фотосуратчи Саймон Дейл, ўзи учун хоббит уйчасини мустақил равишда қуришни ҳоҳлади. У ўрмонда уйча учун қулай жой топди, экологик материалларга у 5000 доллар пул сарфлаб барини ўзи қурди. Уйча қуёш батареялар ёрмида иситилади, музлатгичнинг музлатиш тизими подволдаги салқин ҳаво ёрдамида ишлайди. Жудаям ноёб, тежамли ва экологик тоза уй ҳисобланади.
Самолёт уй
Брюс Кемпбелл ўз уйини 1965 йилги эски Боинг 727 каркасидан қурган. У Сан-Хоседа бу уйга атиги 2000 долларга эга бўлган. Самолётни ҳақиқий яшаш жойга айлантириш учун эса 24 000 доллар ва яна керакли жойга етказиш учун анчагина пул сарф қилади.
Флинстоунлар
Доимий равишда Малибуда истеъқомат қилувчи, АҚШнинг таниқли телебошқарувчиси Дик Кларк, ўзи учун “Флинстоунлар” мультсериалидаги Фред Флинстоун уйига ҳудди икки томчидек ўхшаш уйни қурдирди. Бу қурилмани ички қисмида атиги битта ётоқхона, меҳмонхона, иккита ювиниш хоналари ва кичкинагина ошхона бор. Кларкнинг ўлимидан сўнг, бу ноёб уйни 3,5 миллион доллар нархида аукционга қўйишди.
Тескари уй
Полшадаги Шимбарка қишлоқчасида жуда ҳам ноёб уйча жойлашган. Уни доимо ҳамма нарсани тескари қилиб юборадиган коммунизм тумори сифатида польшалик бизнесмен қурдирган. Бу уйнинг ичидаги барча жихозлар ҳақиқатдан ҳам тескари ўрнатилган, ҳаттоки девордаги расмлар ҳам тескари жойлашган.
Пойафзал-уй
Пойафзал ишлаб чиқариш бўйича бизнесмен Мелон Хайнес жуда катта маҳсулот чиқарди, у ўзига ботинка кўринишидаги ажойиб ва жуда ҳам ноёб уй қурди. Бу уй Пенсильвания штатларида жойлашган. Авваллари у ерда ҳақиқатдан ҳам одамлар яшаган, лекин магнатнинг ўлимидан сўнг бу уйни музейга айлантиришди.
Вулқон ичидаги уйлар
Япониядаги энг кичик ороллардан бири Аогашима деб аталади. Бу қадим замонлардан бери одамлар яшаб келган, майдони 10 км² дан кам бўлган вулқон оролидир. 170 га яқин аҳоли истиқомат қиладиган қишлоқ бор. Аммо ҳайратланарли томони шундаки, оролда фаол вулқон бор. Охирги йирик портлаш 1785 йилда содир бўлган. Натижада 327 кишидан 120 нафардан ортиғи ҳалок бўлган. Шунга қарамай, японлар вулқондан қўрқмайдилар. Ва у ерда яшовчилар ўзларининг туғилган оролларини ҳақиқий жаннат, деб билишади.
Мадина Пўлат қизи
ishonch.uz
Mақолага баҳо беринг
0/50
0
0
0
0