Бу мамлакатимиз раҳбарининг шу йил 13 апрелдаги “Ўзбекистон Республикасида электрон тижорат соҳасини янада ривожлантириш учун қулай шарт-шароитлар яратишга доир чора-тадбирлар тўғрисида”ги қарорида кўзланган асосий мақсадлардан биридир.

• Натижада 2026-2030 йилларда 7,5 мингта янги иш ўрни яратилади.

• Айни муддаода 2026 йил 1 июлдан 2028 йил 1 июлга қадар ҳуқуқий эксперимент тариқасида резидент ва норезидентлар томонидан жисмоний шахсларнинг эҳтиёжлари учун мўлжалланган товарларни электрон савдо платформаларида сотиш учун уларни вақтинча сақлашга мўлжалланган эркин (бонд) омборлар фаолияти йўлга қўйилади.

• Хориждан келтирилган товарларни божхона тўловлари ва солиқларни кечиктирилган тартибда, яъни маҳсулот сотилгандан сўнг тўлаш шарти билан божхона назорати остидаги омборларда сақлаш шароити яратилади.

• Бу мақсадда қиймати 300 миллион долларлик инвестиция лойиҳалари амалга оширилади.

• Импорт товарларга ягона божхона тўлови жорий қилинади.

• Бонд омборидан маҳсулотларни жисмоний шахсларга чиқаришда мувофиқликни баҳолаш, санитария ва ветеринария назорати чоралари қўлланилмайди. Яъни, жўнатмалар декларацияси инобатга олинади.

• Маълумот ўрнида айтиш керак, сўнгги 8 йилда мамлакатимизда электрон тижорат ҳажми 20 баробарга ўсиб, 1,3 миллиард долларни ташкил қилган. Рақамли платформалар сони 120 тадан ошади ва ушбу тизимда 750 минг киши банд. Бюджетга тушаётган солиқ миқдори 200 миллиард сўмни ташкил қилаётир. Мутахассислар таъкидига кўра, мазкур қарор соҳани янада ривожлантиришга омил бўлади.