Maqsad kasaba a'zosi B.Rajabovning manfaatlarini himoya qilish. Aniqlanishicha, u Xiva shahar hokimligi tashkiliy-kadrlar guruhi bosh mutaxassisi lavozimida ishlab kelgan hamda O'zbekiston Respublikasi Prezidenti huzuridagi davlat siyosati va boshqaruvi akademiyasi magistraturasiga ochiq tanlov asosida, 18 oylik kunduzgi ta'lim shakli bo'yicha to'lov-kontrakt asosida qabul qilingan.

Mehnat kodeksining 540-moddasi O'zbekiston Respublikasi Prezidentining 2025 yil 5 maydagi PF-78-son Farmoni talablariga muvofiq, magistraturaga ochiq tanlov orqali qabul qilingan tinglovchining asosiy ish joyi bo'yicha lavozimi va o'rtacha oylik ish haqi saqlanishi lozim.

Shunga qaramasdan, ish beruvchi tomonidan 2025 yil dekabr' oyi ish haqi hamda 2026 yil yanvar' oyi uchun bo'nak mablag'lari o'z vaqtida to'lanmagani ma'lum bo'lgan. Bu holat amaldagi qonunchilik talablarining buzilishi sifatida baholandi.

Mehnat inspektori tomonidan Xiva shahar hokimi nomiga yozma ko'rsatma kiritilib, qonunbuzarlikni bartaraf etish va qarzdorlikni zudlik bilan to'lash talab qilindi. Yozma ko'rsatma ijrosi ta'minlanib, fuqaro B.Rajabovga to'lanmay qolgan 2025 yil dekabr' oyi ish haqi hamda 2026 yil yanvar' oyi uchun bo'nak pullari to'liq hajmda undirib berildi.

Muzaffar ATABAEv,
O'zbekiston kasaba uyushmalari Federatsiyasi
Xorazm viloyati kengashi mehnat huquq inspektori