Qoraqalpog'istonda umummilliy “Salomatlik marafoni” bo'lib o'tmoqda. Bu tashabbus — insonning o'zi va yaqinlari sog'lig'iga e'tiborni odatiy turmush tarziga aylantirishga qaratilganligi bilan e'tiborga molikdir.

Nukus shahridagi 12 ta oilaviy poliklinika va 3 ta jamoat joyida aholiga tashxis qo'yilib, bemorlarni yo'naltirish va raqamlashtirish tizimi joriy etilmoqda.

Shifokorlarning birgalikdagi sa'y-harakatlari va AI TOP-3 CDSS, MuxlisaMED AI, AI Mammo singari sun'iy intellekt yechimlari joriy etilishi natijasida yanada tezkor va aniq tibbiy yordam ko'rsatish imkoniyati yaratilmoqda.

To'rt kun ichida qariyb 12 ming fuqaro ko'rikdan o'tdi, shundan 1 700 nafardan ortig'i chuqur tekshiruvlardan o'tkazildi, 116 nafari davolanishga yo'naltirildi.
Raqamli oilaviy pasportni joriy etishga asoslangan "Oila salomatligi maktabi" va yoshlar ko'magida aholining tibbiy savodxonligini oshirishni nazarda tutuvchi "Salomatlik volontyorlari" singari yangi loyihalar amaliyotga olib kirildi.

Millat salomatligi - bu barchamiz yelkama-elka o'tadigan umumiy yo'limiz va mas'uliyatimizdir.