Ўзбекистонда Рамазон Ҳайити байрами қайси санада нишонланиши айтилди
Жорий йилда Рамазон ҳайити байрами 30 март – якшанба куни нишонланади. Бу борада Президентнинг тегишли қарори қабул қилинди.
Шунингдек, Туризм қўмитаси Транспорт вазирлиги билан биргаликда юртдошларимиз учун Рамазон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратилади.
Президент қарорида, шу билан биргаликда, байрам муносабати билан дам олиш кунлари борасида ҳам кўрсатмалар берилган.
Унга кўра, Меҳнат кодексининг 208-моддасига мувофиқ, ишланмайдиган байрам куни ҳисобланувчи Рамазон ҳайитининг биринчи куни 2025 йилда якшанба – дам олиш кунига тўғри келиши муносабати билан ушбу дам олиш куни 31 март – душанба кунига кўчирилади.
Бунда ишлаб чиқариш-техник ва ташкилий шароитлар (мавжуд узлуксиз ишлаб чиқариш, аҳолига ҳар куни хизмат кўрсатиш, навбатчилик асосида ишлаш ва бошқалар) туфайли ишланмайдиган байрам кунлари тўхтатиб қўйиш мумкин бўлмаган ишларни бажаришда дам олиш кунлари кўчирилмайди.
Долзарб мавзулар
Mақолага баҳо беринг
0/50
0
0
0
0