Ички ишлар бошқармаси баёнотида таъкидланишича, бир қатор фуқароларнинг мурожаат ва шикоятлари асосида 1980 йилда туғилган Ф. Рўзметов ҳамда 1992 йилда туғилган А. Авезов ва бошқа шахсларга нисбатан Ўзбекистон Республикаси Жиноят кодексининг қуйидаги моддалари билан жиноят иши қўзғатилган: 139-моддаси 3-қисми «а», «г» бандлари (туҳмат), 165-моддаси 3-қисми «а», «в» бандлари (товламачилик), 168-моддаси 4-қисми «а», «в» бандлари (фирибгарлик), 198-моддаси 3-қисми (экинзорларни, ўрмонларни, дарахтларни ёки бошқа ўсимликларни шикастлантириш ёки нобуд қилиш), 228-моддаси 2-қисми «в» банди ва 3-қисми (ҳужжатлар, штамплар, муҳрлар ва бланкаларни тайёрлаш, қалбакилаштириш, сотиш ёки улардан фойдаланиш), 229-моддаси (ўзбошимчалик), шунингдек, 244 прим 6-моддаси 3-қисми (ёлғон ахборот тарқатиш).

Маълум қилинишича, Ф. Рўзметов ва А. Авезовга нисбатан эҳтиёт чораси сифатида қамоққа олиш чораси қўлланилган.

Ички ишлар бошқармаси мазкур шахсларнинг хатти-ҳаракатлари натижасида зарар кўрган фуқаролардан тергов бўлимига мурожаат қилишни сўрамоқда.
Маълумот ўрнида айтиш жоизки, Ф. Рўзметов “Қонун доирасида” оммавий ахборот воситаси раҳбари, А. Авезов эса ушбу ОАВ ходими ҳисобланади.