Янгийўл шаҳар соғлиқни сақлаш тизими касаба уюшмаси ушбу хабарда келтирилган маълумотлар асоссиз эканлиги тўғрисида ўз расмий позициясини қуйидагича билдириб ўтади:

1. Барча ходимлардан ушлаб қолинган касаба бадаллари фақат ходимлар ёзма розилиги асосида амалга оширилган.

2. 2021 йилдан буён молиявий ҳисоботлар корхонанинг ички назорат тизими ва тегишли органлар назоратида мавжуд, ҳамма харажатлар ҳужжатланган.

3. Совғалар ва рағбатлантириш ишлари тегишли бюджет ва мезонлар асосида тақсимланган, харажатлар очиқ ва назорат қилинади.

4. Касаба уюшмаси раиси бир нечта лавозимда ишлаши билан боғлиқ иддаолар асоссиз; барча лавозимларда манфаатлар тўқнашуви йўқлиги кафолатланган.

2025 йилдаги сарфланган маблағлар ҳақида:

• Янги йил муносабати билан — 93 млн сўм;
• Тиббиёт ходимлари куни муносабати билан — 45 млн сўм.
Барча харажатлар расмий ҳисоботларда акс эттирилган. Хабарда келтирилган ҳолатлар асоссиз ва ҳақиқатга тўғри келмайди.

Эслатиб ўтамиз, касаба уюшмаси – барча ходимлар учун қонуний ва ишончли фаолият олиб борадиган тузилма. Фактлар асосида текширув ўтказилмаган ҳолда тарқатилган маълумотлар адолат ва ишончга зарар етказиши мумкин.

Жамоатчилик ва айрим ОАВ ходимлардан бу каби маълумотларни барча фактлар билан текшириб, асосли омилларга таяниб фикр билдиришга чақирамиз.