Навоий шаҳри кўча санъатининг пойтахтига айланмоқда – ФОТОРЕПОРТАЖ

Навоийда бундай санъатнинг пайдо бўлиши шаҳарнинг нафақат эстетик кўринишини, балки ундаги ижтимоий ҳаётни ҳам бойитганини ҳис қиласиз.

Street art (кўча санъати) — замонавий ҳудудларда кўриниш берадиган, кўпинча расмий рухсатсиз чизиладиган визуал санъат шакли.

Бу ижодий ҳаракат кўчалардаги деворлар, бинолар фасадлари, йўл белгилар ва бошқа жамоат жойларида амалга оширилади.

Одатда ижтимоий-сиёсий мавзуларни ёритиш, ҳиссиётларни ифодалаш ёки шунчаки шаҳар муҳитини безаш мақсадида фойдаланилади.

Бугунги кунда Навоийда 30 дан ортиқ турар-жой биноларига маҳаллий рассомлар томонидан чизилган суратлар шаҳар кайфияти ва миллий қадриятларни акс эттирмоқда.

Айрим расмлар табиат ва инсон ўртасидаги уйғунликни улуғласа, бошқалари меҳнаткашлар ҳаётини кўрсатади.

Мазкур лойиҳа маҳаллий ҳокимият ва ижодкорлар томонидан амалга оширилган бўлиб, street artни вилоятнинг кўплаб туманларида — жумладан, Кармана, Учқудуқ, Қизилтепа ва Конимехда ҳам учратиш мумкин.

Бу Навоий том маънода очиқ осмон остидаги галерийага айланганини кўрсатади ва фоторепортажимиз давомида ушбу деворий суратларнинг энг ёрқин намуналари билан танишамиз.

Эъзоза Умр