Қозоғистон йўлида қолиб кетган 64 нафар ўзбекистонлик қутқарилди
Маҳаллий ОАВнинг ёзишича, улар ҳаракатланиб кетаётган автобус бузилиб қолган.
Қозоғистоннинг Ақмола вилояти Кутшетау шаҳрида йўлда қолиб кетган 64 нафар ўзбекистонлик йўловчи эвакуация қилинди.
Кazinform агентлигининг Ақмола вилояти Фавқулодда вазиятлар департаментига таяниб хабар беришича, йўловчиларнинг 17 нафари болалар. Улар кеча, 15 февраль куни “Астана-Челябинск” йўналишида кетаётган вақтида “Жақси-Есил-Бузилиқ” йўлидаги Жақси қишлоғи яқинида йўловчи автобус бузилиб қолган.
“Жақси тумани қутқарувчилари Аяз Мақашев ва Сайлаубек Қазжимуратов зудлик билан чақирув жойига етиб боришди. Улар бузилган автобусда бўлган 64 нафар йўловчини (шундан 17 нафари бола) Жақси қишлоғидаги 1-сонли ўрта мактабда жойлашган исиниш жойига олиб кетишди. Йўловчилар тиббий ёрдамга муҳтож бўлмаган”, – дейилади агентлик хабарида.
