Сенатнинг биринчи мажлиси бошланди: бугун Сенат раиси ва унинг ўринбосарлари сайланади
Тошкент шаҳрида бугун, 19 ноябрь куни Ўзбекистон Республикаси Олий Мажлиси Сенатининг биринчи мажлиси бошланди. Унда Ўзбекистон Республикаси Президенти Шавкат Мирзиёев иштирок этмоқда.
Мажлисни Сайлов кодексига мувофиқ Марказий сайлов комиссияси раиси З.Низомхўжаев очди.
Кун тартибига кўра, бугун сенаторлар Марказий сайлов комиссиясининг Олий Мажлис Сенатини шакллантириш якунлари тўғрисидаги ахборотини кўриб чиқади.
Шунингдек, Ўзбекистон Республикаси Олий Мажлиси Сенати Раиси, Сенат Раиси ўринбосарларини сайлайди.
Бундан ташқари, Ўзбекистон Республикаси Олий Мажлиси Сенатининг қўмиталари ва комиссиясини тузиш, уларнинг раисларини, раислари ўринбосарлари ва аъзоларини сайлаш ҳам кун тартибига киритилган.
Эслатиб ўтамиз, юқори палатанинг 9 нафар аъзоси Ўзбекистон Республикаси Президентининг 2024 йил 14 ноябрдаги фармони билан тайинланган эди.
Марказий сайлов комиссияси эса шу йил 16 ноябр куни Ўзбекистон Республикаси Олий Мажлиси Сенатининг барча аъзоларини рўйхатга олди.
Долзарб мавзулар
Mақолага баҳо беринг
0/50
0
0
0
0