Ушбу ҳолат юзасидан ташкил қилинган матбуот анжуманида Бош прокуратура Экология, атроф-муҳитни муҳофаза қилиш ва ўрмон хўжалиги соҳасидаги қонунчилик ижроси устидан назорат бошқармаси бошлиғи Ўктам Ўтаев ҳодиса оқибатда 2 киши ҳалок бўлган, жароҳатланганлар ҳам бор.

– Ҳақиқатда Бойсундаги газ конида рўй берган нохуш ҳодиса оқибатида икки нафар шахс ҳалок бўлган. Воқеа жойига ҳолатни ўрганиш мақсадида Сурхондарё вилояти прокурори чиққан. Ушбу ҳолат бўйича ҳозирда терговолди текширувлари амалга ошириляпти. Натижаси бўйича албатта ОАВларига маълумот берилади.

Бу техноген ҳолат бўлганлиги сабабли мутахассисларнинг хулосаларини талаб қилади. Қонуний қарор қабул қилишда ҳам мазкур хулосаларга таянилади, – дейди Ўктам Ўтаев.

Эслатиб ўтамиз, мазкур конда дастлаб жорий йилнинг 1 сентябрь куни олтингугурт (водород сулфид) гази сизиб чиқиши кузатилган ва бу ҳолат 15 сентябрга келиб бартараф этилган эди.