Shundan so'ng Gulshod sog'liqni saqlash xodimlari kasaba uyushmasi respublika kengashiga murojaat yo'lladi. Tekshirishda 2020 yildan 2024 yilga qadar unga 12,8 million so'm kam to'langani aniqlandi.

Xorazm viloyati mehnat huquq inspektori tibbiyot birlashmasi rahbariyatiga xodimga ushbu pulni to'lab berish haqida ko'rsatma berdi, ammo mas'ullar bajarishni rad etdi.
Shu sababli xodimning manfaatini himoya qilish maqsadida ish sudga oshirildi.
2025 yil 16 may kuni Fuqarolik ishlari bo'yicha Bog'ot tumanlararo sudi xodim foydasiga qaror chiqardi va tibbiyot birlashmasidan jami 41,2 million so'm undirish belgilandi. To'lanmagan ish haqidan tashqari, kechiktirilgan to'lovlar uchun 26 392 672 so'm kompensatsiya, 2000 000 so'm ma'naviy zarar ham to'lanishi ko'rsatildi.

Tibbiyot birlashmasi bu safar ham pul to'lamaslik ilinjida apellyatsiya shikoyati bilan viloyat sudiga murojaat qildi, ammo foydasi bo'lmadi. Fuqarolik ishlari bo'yicha Bog'ot tumanlararo sudi qarori o'zgarishsiz qoldirildi. Natijada, mablag' xodimga to'liq to'lab berildi.

Rasulbek Allaberganov,
Sog'liqni saqlash xodimlari kasaba uyushmasi respublika kengashining Xorazm viloyati bo'yicha mehnat huquq inspektori