Vazirlar Mahkamasining 2025 yil 13 sentyabrdagi 578-sonli qarori bilan 2017 yil 20 iyunda qabul qilingan 393-sonli qaror o'z kuchini yo'qotgan. Mazkur eski qarorga muvofiq, kirish imtihonlarida 56,7 baldan kam natija ko'rsatgan abiturientlar birinchi o'quv yilida ta'lim yo'nalishi bo'yicha eng yuqori kontrakt miqdorining 2 barobarigacha to'lov amalga oshirish sharti bilan o'qishga qabul qilinishi mumkin edi. Endilikda ana shu tartib bekor qilindi.

Yangi qarorga ko'ra, to'lov-kontrakt miqdori endi bazaviy to'lov-kontrakt miqdoriga nisbatan tabaqalashtirilgan holda belgilanadi:

1,05 ballgacha yetmaganlar – bazaviy kontraktning 1,5 barobari;

1,06–2,05 ball oralig'i – 2,0 barobari;
2,06–3,05 ball oralig'i – 2,5 barobari;
3,06–4,05 ball oralig'i – 3,0 barobari.

Qabul chegarasiga 4,05 balldan ham ortiq yetmagan abiturientlar uchun esa to'lov miqdori oliy ta'lim muassasasi rahbari tomonidan bazaviy kontraktning kamida 3,0 barobari etib belgilanadi.