Айримлар уни АҚШ Президенти бўлган деб янглишади. У Президент бўлмаган, аммо Мустақиллик Декларациясини тузишда, АҚШ Конституциясини ишлаб чиқишда иштирок этган. Америка фалсафа жамияти, Филаделфия академиясининг асосчиси ҳисобланади.

Мутафаккир олим, кашфиётчи, ёзувчи ва мусиқачи бўлган.

Франклин ҳар бир инсон ҳаётида муҳим бўлган 13 фазилат рўйхатини тузган.
Булар: вазминлик, сукут, тартиблилик, собитлик, тежамкорлик, меҳнатсеварлик, самимийлик, одиллик, меъёрни билиш, озодалик, хотиржамлик, тўғрисўзлик ва камтарлик.

Бенжамин Франклин номи билан боғлиқ иқтибослар бугун ҳам ўз аҳамиятини йўқотмаган. Қуйидаги ўнта иқтибосни ҳар биримиз ўз ҳаётимиз мисолида таҳлил қилиб, тегишли хулоса чиқарсак, мақсадларимизга эришишимиз анча осонлашади.

1. Ланж тулки уй паррандасини тутолмас;
2. Битта бугун иккита эртанги кундан афзал;
3. Одам истеъмол қилгани эмас, хазм қилгани ҳисобига яшайди. Бу ҳам танага, ҳам ақлга тегишли;
4. Эрта туриб, эрта ётиш кишини соғлом, бой ва доно қилади;
5. Ялқовлик ўргимчак тўрларидек бошланиб, темир занжирларга айланади;
6. Биз жуда тез қариймиз, ақлимиз эса жуда кеч киради. Умр фожиаси ана шунда;
7. Бўш вақт ва дангасалик бошқа-бошқа нарсалар;
8. Узоқ яшашдан кўра яхши яшашни кўпроқ тиланг;
9. Ишлатиладиган калит зангламайди, доим ярақлаб туради;
10. Ишни назорат қилмаслик – ишчиларга ҳамённи очиб қўйишдай гап!