Қуйида унга тегишли бўлган бир қатор қизиқарли фактлар билан танишинг:

• Жорж Вашингтон Американинг озодлик учун курашидаги Континентал армиясининг ягона Бош қўмондони саналади (1775-1783);
• У “орзулар мамлакати” бўлмиш Америка фидойиси эди. Саккиз йиллик ҳукмронлиги даврида биринчи Конституцияни ишлаб чиқиб, уни мамлакат даражасида қабул қилган. Қулликни бекор қилиш ташаббускорларидан бири. Ҳукуматга келгунига қадар кучли жангчи бўлганига қарамасдан, сиёсатни ҳарбий соҳадан устун қўя олган шахсдир;
• Жорж Вашингтон сиёсий партияларни ташкил этиш ғояси билан чиқсада ўзи ҳеч қачон партия аъзоси бўлмаган.

АҚШ Президентлари қароргоҳига айланган "Оқ уй" қурилишини назорат қилади ва биринчи ғиштни ўзи қўяди. Аммо Вашингтонга бу бинода Президент сифатида яшаш насиб этмайди. Чунки қурилиш ишлари унинг ўлимидан бир йил ўтиб якунланган. Жорж Вашингтон Америка президентлари орасида иккала сайловда ҳам 100 фоиз овоз йиға олган ягона раҳбардир. Молия соҳаси мутахассиси сифатида давлат кирим ва чиқимни ўзи ҳисоблаган. У яхши чавондоз сифатида отни севган ҳатто отларининг тишлари тозалигигача эътиборли бўлган.

Унинг шарафига мамлакат пойтахтида 150 метрлик мемориал монумент ўрнатилган. Нью-Йорк шаҳридаги энг узун кўприклардан бири Жорж Вашингтон номи билан аталади.

Шунингдек, Сиэтл шаҳридаги университетга номи берилиб, портрети туширилган бир долларлик купюрада акс этган. Қолаверса, Америка пойтахтига биринчи президент номи берилган.

Вашингтоннинг энг машҳур иқтибослари:

• “Бошқа одамнинг бахтсизлигидан қувонманг, ҳатто у сизнинг душманингиз бўлса ҳам”;
• “Виждон деб аталган, юрагингиздаги самовий олов учқунлари ўчмаслиги учун курашинг”.