Ҳозирча бу имконият Тошкент шаҳридаги “Файзобод” рўйхатдан ўтказиш ва имтиҳон олиш (РЎ ва ИО) бўлимида синовдан ўтказилмоқда. Тест муваффақиятли якунланса, тизим аввал Тошкент шаҳри бўйлаб, кейинчалик қолган ҳудудларда жорий этилиши режалаштирилган.

Бунда талабгор хизматни қайси кўринишда – РЎ ва ИО бўлимига бориб ёки сайёр хизмат (ЙҲХХ ходимининг ўзи белгиланган манзилга келади, қўшимча тўлов асосида) кўринишида олишни белгилаб ариза жўнатади.

Хизмат кўрсатиш учун белгиланган тўловлар қуйидагича:

• Рўйхатдан ўтказиш: БҲМнинг 6,84 баробари

(Электромобил, мотолар, тиркамалар — 1.5 баробар)

• Давлат рақами: БҲМнинг 3,5 баробари
• Қайд этиш гувоҳномаси (техпаспорт): БҲМнинг 0,7 баробари
• Техник кўрик: БҲМнинг 0.1 баробари

Сайёр хизмат учун (10 км. га):

• 1 кунда келса: БҲМнинг 4 баробари
• 3 кунда: БҲМнинг 3 баробари
• 5 кунда: БҲМнинг 2 баробари

10 км.дан ортиқ масофа учун ҳар километрга БҲМнинг 0,05 баробари қўшиб борилади.

Ариза my.gov.uz орқали юборилганида, талабгорга давлат рақам белгиси ва тўлов учун инвойс тақдим этилади.

Тўлов амалга оширилгач, “Файзобод” РЎ ва ИОга бориб, аризадаги давлат рақам белгиси айтилади, ЙҲХХ инспектори транспорт воситасини кўрикдан ўтказади ва сизга давлат рақами ҳамда техпаспортни тақдим этади.