Сенатда “Давлат ижтимоий суғуртаси тўғрисида”ги қонун рад этилди
Давлатимиз раҳбари қонун лойиҳалари сифати бўйича эътирозлар борлигига кўз юмиб бўлмаслиги, тўғридан-тўғри ишлайдиган ва аниқ ижро механизмларига эга қонунлар улуши камлигича қолаётганини таъкидлаган эди.
Шунга мувофиқ Парламентда қонун лойиҳалари жиддий кўриб чиқиляпти, уларнинг ҳаммаси ҳам бир ўқишда тасдиқланаётгани йўқ. Хусусан, бугун Сенатнинг ялпи мажлисида “Давлат ижтимоий суғуртаси тўғрисида”ги қонун лойиҳаси рад этилди.
Таъкидландики, ҳужжат аҳолининг ижтимоий ҳимоясини янада кучайтириш мақсадида ишлаб чиқилган. Унда давлат ижтимоий суғуртасининг амал қилиши, суғурта ҳодисаси, суғурталанган шахс, суғурталовчи, суғурта қилдирувчининг ҳуқуқ ва мажбуриятлари мустаҳкамланган.
Сенатор Ҳусан Эрматов қонун лойиҳасининг айрим нормаларини қайта кўриб чиқиш ва қонунчилик ҳужжатларига мувофиқлаштириш лозимлигига эътибор қаратди. Унда ваколатли орган ваколатлари ва вазифалари очиб берилмагани қайд этилди.
Меъёрий ҳужжатда ўндан ортиқ ҳаволаки нормалар қонуннинг амалиётда тўғри ишлашига халақит бериши таъкидланди. Бундан ташқари, қонун қабул қилиниши натижасида амалдаги меъёрий ҳужжатларга ўзгартиришлар киритиш масаласи ҳам назарда тутилмаган.
Сенаторлар камчиликлар бартараф этилиши лозимлиги хусусида ўз таклифларини билдиришди.
Долзарб мавзулар
Mақолага баҳо беринг
0/50
0
0
0
0