Тадбирда Ўзбекистон ташқи ишлар вазирлиги, Ўзбекистон Республикасида аккредитациядан ўтган дипломатик корпус вакиллари, кенг жамоатчилик вакиллари ва зиёлилар, талабалар ҳамда оммавий ахборот воситалари вакиллари иштирок этди.

Маълумки, 2023 йил Туркманистонда «Арқадоғ Сердар билан бахтли ёшлар йили» дея эълон қилинган эди. Туркманистонинг Фавқулодда ва Мухтор элчиси Ш.Мередов ўз нутқида йил якунлари ҳақида анжуман иштирокчиларини таништирар экан, президент Сердар Бердимуҳаммедов раҳномалигида Туркманистон ички ва ташқи сиёсатда қўлга киритган муҳим ютуқ ва муваффақиятлар ҳақида маълумот бериб ўтди. Мамлакат иқтисодий қудрати ва халқ фаровонлигини янада юксалтириш, фуқороларнинг ижтимоий-маиший турмушини яхшилаш, миллий манфаатларни ҳимоя қилиш, шунингдек, умумбашарий тинчлик ва барқарорликни таъминлаш борасида юритилаётган одилона сиёсат ҳақида батафсил тўхталди.

Мамлакатда савдо-иқтисодий, нефт-газ, транспорт -коммуникация ва қишлоқ хўжалиги соҳаларида амалга оширилаётган кенг кўламли ишлар Туркманистон давлатининг тараққиёт йўлидан боришига салмоқли ҳисса қўшмоқда.

Туркманистон дипломатик миссияси раҳбари Туркманистоннинг жаҳон миқёсидаги мавқеи изчил мустаҳкамланиб бораётганини қайд этиб, Туркманистон ташаббуси билан 2023 йилда БМТ Бош Ассамблеяси томонидан бир овоздан қўллаб-қувватланган 4 та — «Бирлашган Миллатлар Ташкилотининг Марказий Осиё учун превинтив дипломатия минтақавий марказининг роли», «Жаҳон барқарор транспорт куни»,» Барқарор ривожланишни таъминлашда ишончли ва барқарор энергия уланишининг асосий роли» ва «Барқарор ривожланиш мақсадларига эришиш учун барча транспорт турлари ўртасидаги алоқаларни мустаҳкамлаш» резолюцияларини эслатиб ўтди.

Бундан ташқари, элчи Ш.Мередов Туркманистон ва Ўзбекистон Республикаси ўртасидаги сўнгги йиллардаги фаол ҳамкорликни эътироф этиб ўтди. Унинг таъкидлашича, кўп йиллардан бери давом этаётган олий даражадаги дўстона ва конструктив мулоқотлар икки давлат ўртасидаги ҳамкоролик алоқаларнинг ривожланишига асосий туртки бўлмоқда.

Шунгдек, тадбирда Туркманистоннинг Ўзбекистондаги Фавқулодда ва Мухтор элчиси Ш.Мередов 2024 йилда буюк туркман мутафаккири ва шоири Махтумқули Фироғий таваллудининг 300 йиллиги ва 2024 йилни “Махтумқули Фироғий тафаккури хазинаси йили” деб эълон қилиниши муносабати билан мамлакат ва хорижда ўтказиладиган тадбирлар борасида ҳам маълумот берди.