Ноқулай меҳнат шароитида ишловчилар учун иш вақти қандай белгиланади?

Зарарли ва хавфли ишлаб чиқариш омиллари таъсирида меҳнат қиладиган ходимлар учун ҳафтасига 36 соатдан ошмайдиган қисқартирилган иш вақти белгиланади.

Бунда иш кунининг давомийлиги иш ҳафтасининг турига қараб фарқланади: 6 кунлик иш ҳафтасида — кунига 6 соатгача, 5 кунлик иш ҳафтасида эса 7 соат 30 дақиқагача этиб белгиланади.

Агар ҳафталик иш вақти 30 соатни ташкил этса, 6 кунлик иш ҳафтасида кунига 5 соатгача, 5 кунлик иш ҳафтасида 6 соатгача ишлаш мумкин. Ҳафталик иш вақти 24 соат бўлган ҳолларда эса бу кўрсаткичлар тегишлича 4 ва 5 соатни ташкил этади.

Шунингдек, ўта зарарли ва ўта хавфли меҳнат шароитларида банд бўлган ходимларни иш вақтидан ташқари ишларга жалб этиш тақиқланади.