“Ҳуқуқни муҳофаза қилувчи идоралар фаолиятида салмоқли натижалар билан бир қаторда кўплаб камчиликлар ҳам бор. Жумладан, сўнгги пайтларда айрим фуқаролар ижтимоий тармоқларда тарқатилаётган материаллар ва видеоларни ёқтиргани учун таъыибга олиняпти. Бошқача айтганда, айрим мутасадди идоралар уларга нисбатан асоссиз жиноят иши қўзғатмоқда. Бу ҳаракатлар тўхтатилиши керак”, – дейди қўшни давлат раҳбари.

Айрим манбаларнинег ёзишича, Тожикистон расмийлари танқид қилинган хабарларга “лайк” босган фуқароларга нисбатан бир неча йиллардан бери жиноий иш қўзғатилиб келинмоқда.

Бундан олдироқ, 2019 йилда экстремизмга оид жиноий ишлар бўйича эксперт сифатида фаолият юритувчи Тожикистон президенти ҳузуридаги Ислом тадқиқотлари маркази ҳам ижтимоий тармоқлардаги постларга “лайк” қўйгани ва улашгани учун жавобгарликка тортилиши амалиётини танқид қилган эди.

Марказ раҳбари ўринбосари Рустам Азизийнинг тушунтиришича, ижтимоий тармоқларда “улашиш” хизматидан фойдаланиш, “лайк” ёки унинг ўхшаш бошқа белгилар жиноий жавобгарлик учун асосий далил бўла олмайди. Бундан ташқари, айрим ижтимоий тармоқ фойдаланувчилари бошқа фойдаланувчиларнинг саҳифаларига кириб, ўз номидан изоҳ ёки лайк қолдириш ҳолатлари ҳам кузатилади.