Ўзбекистон компанияси Буюк Британия санкциясига учради

Расмий маълумотга кўра, компания “Россияга эҳтиёт қисмларини етказиб беришда воситачилик қилган”.

Буюк Британия ҳукумати Россияга қарши таркибида 46 та жисмоний ва юридик шахс бўлган янги санкциялар пакетини эълон қилди.

Рўйхатга Россияни Украинага қарши урушида қўллаб-қувватлаган ёки мамлакатга ҳарбий техника ва эҳтиёт қисмлар етказиб беришда воситачи бўлган учинчи дунё мамлакатлари корхоналари киритилган.

Хусусан, Беларуснинг “ЖСC Дисплай Десигн Буреау”, Сербиянинг “Авио Чем”, Туркиянинг “Смарт Традинг Лимитед”, шунингдек, Хитойнинг учта – “Асиа Паcифиc Линкс Лимитед”, “Синно Элеcтрониcс Cо., Лимитед” ва “Хингҳуа Cо., Лимитед” компаниялари ҳамда БААнинг тўртта компанияси бор.

Бундан ташқари, рўйхатга Ўзбекистоннинг Mvizion компанияси ҳам киритилган. Очиқ маълумотлар реестрида келтирилишича, Mvizion компанияси 2022 йилнинг июн ойида Тошкентда рўйхатдан ўтган ва “электрон, телекоммуникация ускуналари ва унинг эҳтиёт қисмлари улгуржи савдоси” билан шуғулланади. Компаниянинг ягона асосчиси ва раҳбари Игор Ивлев.
Расмий маълумотга кўра, компания “Россияга эҳтиёт қисмларини етказиб беришда воситачилик қилган”.
Эслатиб ўтамиз, жорий йилнинг ноябр ойида АҚШ Савдо вазирлиги Mvizion компаниясига нисбатан экспорт чекловларини жорий қилган эди. Компания Россия армияси учун дронларни сотиб олиш ва ривожлантириш схемаларининг иштирокчиси сифатида махсус экспорт назорати рўйхати.