O'zbekiston Respublikasi Prezidenti Shavkat Mirziyoevning festival' ishtirokchilariga tabrigida ta'kidlanganidek, xalqaro nufuzi tobora ortib borayotgan mazkur anjuman bu yil ko'hna Sharq gavhari – betakror Xorazm diyorida o'tkazilayotgani unga alohida ruh va mazmun bag'ishlamoqda. Bu o'lkaning dostonchilik maktabi g'oyat qadimiy va boy tarixga ega bo'lib, “Lazgi” kabi dunyoga mashhur mumtoz kuy-qo'shiqlari, go'zal raqslari aynan ana shu azim daryodan oziqlanib kelmoqda, desak, to'g'ri bo'ladi.
Festival' doirasida  “II Turkiy dunyo madaniyati forumi” tashkil qilindi. Xalq og'zaki ijodini saqlash va rivojlantirishga bag'ishlangan xalqaro ilmiy-amaliy konferentsiya o'tkazildi.