“Қамчиқ”да автотрейлер ЙТҲга учради: қурбонлар бор
Шунингдек, юк машинасига ортилган бир қанча енгил автомобиллар пастликка тушиб кетган.
Жорий йилнинг 11 февраль куни соат 23:40ларда Наманган вилояти Поп тумани “Қамчиқ” довони ҳудудидан ўтган халқаро аҳамиятдаги А-373 автомобиль йўлининг 222-километрида оғир оқибатли ЙТҲ содир бўлди.
Маълум қилинишича, 1983 йилда туғилган ҳайдовчи К.Й. DAF русумли юк автомобилини (енгил автомобилларни ташувчи) бошқараётиб йўлнинг хавфли бурилиш қисмида бошқарувни йўқотган ва қарама-қарши йўналишни ажратиб турувчи тўсиққа урилиб кетган. Сўнг эса қаршисида келаётган ҳайдовчи, 1992 йилда туғилган Ж.А. бошқарувида бўлган Isuzu русумли юк автомобили билан тўқнашиб, ЙТҲ содир этган.
Натижада, иккала ҳайдовчи ҳамда уч нафар йўловчилар тан жароҳати олиб воқеа жойида вафот этган.
Мазкур ЙТҲ юзасидан Наманган вилояти ИИБ ҳузуридаги ТБ томонидан Жиноят Кодексининг 266-моддаси 3-қисми “а” банди билан жиноят иши қўзғатилиб, дастлабки тергов ҳаракатлари олиб борилмоқда.
Шунингдек, ЙТҲ вақтида DAF русумли юк транспорт воситасига ортилган бир қанча енгил автомобиллар пастликка тушиб кетган. Ушбу автомобиллар махсус техника ёрдамида пастликдан чиқариб олинган.
Долзарб мавзулар
Mақолага баҳо беринг
0/50
0
0
0
0