Цукерберг компанияси Ўзбекистонга 9 ойда 40 млрд сўмдан ортиқ солиқ тўлаган

Ўзбекистонда электрон хизматлар кўрсатувчи 61 та хорижий компания томонидан 2024 йил январь-сентябрь ойларида 101,9 млрд сўм солиқ тўланган. Бу ўтган йилнинг мос даврига нисбатан 2,1 баробар кўп.

Давлат солиқ қўмитаси маълумотларида келтирилишича, ушбу компаниялар кўрсатган хизмат ҳажми 9 ойда 849,1 млрд сўмни ташкил этади.

Тўланган солиқларнинг 99,9 фоизи электрон хизматлар кўрсатувчи 10 та хорижий компания ҳиссасига тўғри келади.

Яъни:

• Мета - 41,1 млрд сўм;
• Гоогле - 26,1 млрд сўм;
• Аппле - 22,6 млрд сўм;
• Амазон - 3,7 млрд сўм;
• Воокинг.сом - 2,2 млрд сўм;
• Зоом - 1,4 млрд сўм;
• Нетфлих - 1,3 млрд сўм;
• Аccа - 1,2 млрд сўм;
• Яндех Эуропе - 1,1 млрд сўм;
• Хсолла - 900,3 млн сўм.

“Электрон хизматлар кўрсатувчи чет эл юридик шахслари ўтган чоракдан кейинги ойнинг 20-кунидан кечиктирмай солиқ ҳисоботларини тақдим этади ва солиқларни тўлайди”, – дейилади ДСҚ хабарида.

Эслатиб ўтамиз, ўтган йилнинг мос даврида шу йўналишдаги 52 та хориж компанияси Ўзбекистон бюджетига 48,3 млрд сўм солиқ тўловларини амалга оширган.