Эрталабки иш соатлари, вазирлик ходимларининг ишга келиш жараёни, юзларда акс этган ижобий кайфият, ишга бўлган ишонч ва эртанги кунга бўлган умид фотообъектив орқали тасвирга олинди.

Ушбу лойиҳа орқали давлат идорасида меҳнат қилаётган мутахассисларнинг иш куни қандай бошланиши, хизмат вазифаларига садоқат, жамоадаги ҳамжиҳатлик, қарашлар ва ишга масъулиятли ёндашув жамоатчиликка илҳом бахш этадиган тарзда намоён этилмоқда.

«Ҳар бир иш куни — янги имконият. Уни қандай кайфият ва қандай қараш билан бошлаш эса келажак натижаларни белгилайди», — деган ғоя ушбу лойиҳа мазмунида ўз аксини топган.

Мен сизга айтсам, яқинда ишхонада Янги йилга "премия" бериларкан...

"Ажабланманг, мен ўзи доим 2 та қаҳва ичаман".

Қуёшга боқ, бахтни чақир,
Етса нафасинг...
Етмаса ҳам чин дилдан чақир,
Бу дунёда фақат "ҳозир" бор,
Бу дунёда "лаҳза" бор ахир.

Тўртовлон йиғилса, гурунг бўлади...

Тинчликми? Бизни нега суратга олишяпти?

Телпак муборак бўлсин! Қаердан олдингиз, бугун "абет"да ювасизми?

“Ишдаман деяпманку…”

Чекманг, дейишади. Аслида ҳамма чекяпти-ку…

Ишга кеч қолганларни суратга олишяпти, шекилли. Мен ҳали кечикмадим...

Биз ҳам кўтарилсак шунақа машина минамиз...

Машинани "эсон-омон" жойлаволдик. Энди ишни қолган жойидан давом эттирамиз...

Ҳаа, "Ishonch PAPPARATSI"лари шулар бўлса керак...

Шу "шлагбаум" шартмикин?..

Икки қўлида иккитадан нарса тутган аёл...

Олий таълимда одимлаётганлардан бири...

Қиш қуёши ҳам кўзни қамаштиради, айниқса, қорда...

Янги йилда неча кун дам оларканмиз, аниғини билмадийларми...

Мен ишга келдим, сиз-чи?

Ишга келиш эрталабки қўнғироқлардан бошланади...

«Ishonch-Paparatsi» инсон омилини, позитивлик ва очиқликни асосий қадрият сифатида илгари сурадиган медиа ташаббусдир.

Ishonch.uz суратлар изоҳини бироз юмор билан уйғунлаштирган.

Унутманг, кейинги “объект” сизнинг ишхонангиз бўлиши мумкин.