Бу бинода қонунлар муҳокамаси қайнайди, давлат бошқарувидаги мувозанат таъминланади. “Ishonch PAPARATSI” ҳокимиятнинг энг мулоҳазали, сокин ва адолатли кемаси бўлган - Олий Мажлис Сенати ходимларини “овлади”.

Фотосуратларда қонунчилик ва давлат бошқарувида иштирок этаётган инсонларнинг иш куни қандай бошланиши, қарорлар ортида турган қиёфаларнинг тонгги кайфияти ифодаланади.

«Ishonch PAPARATSI» инсон омилини, позитивлик ва очиқликни асосий қадрият сифатида илгари сурадиган медиа ташаббусдир.

Ishonch.uz суратлар изоҳини бироз юмор билан уйғунлаштирган.

«Кўзойнак ва кепка — бу шунчаки услуб эмас, бу "Папарацилар мени танимай қолсин", деган кичик умид эди. Лекин Ishonch.uz'дан қочиб бўларканми?»

Сенат раиси ёрдамчиси: " Ичкарида ўтиравериб, ташқарида нима гаплар эканини билмай қоларкансан-а..."

«Қочинглар, йўлни бўшатинглар! Ҳозир ичкарида муҳим қонун қабул қилинади, менинг бир сония кечикишим тарихни ўзгартириб юбориши мумкин!»

"Қийин-қийин ҳаммадан ҳам спичрайтерга қийин"

Ялпи мажлис кунлари Сенат раиси спичрайтери Абдусамад Раҳимов кун билан туннинг фарқига бормай қолади.

«Қобул Турсунов объективимизда. Навоийнинг собиқ ҳокими, Сенатнинг ҳозирги "генерали" — ишга доимгидек барвақт ва жиддий кайфиятда»

«Тонгги биринчи вазифа — хабарларни текшириш! Сенатда ҳам доим энг муҳим янгиликлар бор».

Г. Маруфова: «Эрталабдан кайфиятни кўтариш учун битта кофе ичиб олмасам бўлмас".

«Ишга мана шундай пакет билан келиш — куннинг ижобий ўтишига 100% кафолат. Энг муҳими, ичидаги ширинлик бор!»

— Бугунги режа қандай?
— Аввал Ялпи мажлисни ўтказиб олайлик, кейин қолган режани айтаман...!»

"Электр куввати билан ишлайдиган машина ва тўхтамас энергия билан ишлайдиган сенатор".

Сенат ходими учун биринчи қоида — ишга кеч қолмаслик!

"Инсон ҳуқуқларини Сенатда ҳам ҳимоя қилишим керак..."

"Ало, телефон қилмай тур, мен Сенатга кираяпман".

"Вазирлар ўринбосарларининг ҳам бир оёғи доим Сенатда..."