“Ishonch”ни маза қилиб мутолаа қиламиз

“Ishonch” ва “Ishonch-Доверие” газеталари таҳририяти ходимларининг фарғоналик газетхонлар билан ижодий учрашуви бўлиб ўтди.

Унда шоир ва адиблар, республикамиздаги етакчи газета ва журналларнинг бош муҳаррирлари иштирок этди.

Фарғона вилояти Ахборот-ресурс марказида ўтказилган бу галги учрашув мароқли ва фикр-мунозараларга бой тарзда кечди.

Учрашувга таклиф этилган меҳмонлар ва муштарийлар “Ishonch” газетаси республикамиздаги етакчи нашрга айлангани, газета саҳифаларида чоп этилаётган ранг-баранг мавзудаги мақолалар муштарийларни бефарқ қолдирмаётгани, айниқса, таҳлилий ва танқидий мақолаларга кенг ўрин берилаётганини таъкидлаб ўтдилар.