Мирзиёев Путинни сайловдаги ғалабаси билан табриклади

Президент Шавкат Мирзиёев Владимир Путинни Россия президентлиги учун бўлиб ўтган сайловдаги ғалабаси билан табриклади.

Бу ҳақда Президент матбуот хизмати маълум қилди.

Ўзбекистон етакчиси ўз мактубида сайловчиларнинг юқори фаоллиги ва овоз бериш натижалари аҳоли Владимир Путиннинг сиёсати ва ижтимоий-иқтисодий ислоҳотлар дастурига ишонч билдираётгани ва уларни қатъий қўллаб-қувватлаётганининг навбатдаги ёрқин намойиши бўлганини таъкидлаган.

“Шавкат Мирзиёев Россия президентига мустаҳкам соғлик, бахт-саодат ва давлатчилик фаолиятида катта муваффақиятлар, Россия халқига эса тинчлик ва равнақ тилади”, – дейилади хабарда.