Янги Тошкент шаҳридан “дом” қуриш учун ерлар савдога чиқарилди

Кимошди савдосига ҳозирги Тошкент вилояти Юқоричирчиқ тумани ҳудудидан ҳар бири 1,03 гектар бўлган иккита лот ер майдони қўйилган.

Бошланғич баҳоси – 20 млрд 655 млн сўм.

Ғолиб объектга 19,2 млн доллар инвестиция киртиши ҳамда уни 36 ой муддат ичида фойдаланишга топшириши керак бўлади.

Юридик шахслар иштирокида ўтказиладиган ауцион савдолари натижаси бўйича ер майдони маҳаллий иштирокчиларга 49 йил муддатга, чет эл юридик шахслари (чет эл инвестициялари иштирокидаги корхоналар, халқаро бирлашмалар ва ташкилотлар)га эса 24 йил муддатга ижарага берилади.