Бунда кўчмас мулк ва автотранспорт воситалари олди-сотдисида эскроу ҳисобварақ билан боғлиқ хизматлар учун банклар томонидан қуйидаги хизмат ҳақлари ундирилади.

Кўчмас мулк БҲМнинг 50 фоизи миқдорида харидор ва сотувчининг ҳисобварағи битта банкда бўлганда бир марта ҳақ ундирилади.

Харидор ва сотувчига икки банк хизмат кўрсатганда, ҳар бир банк ушбу сумманинг ярми миқдорида комиссия ундиради (206 000 сўм).

Автотранспорт воситалари БҲМнинг 25 фоизи миқдорида харидор ва сотувчининг ҳисобварағи битта банкда бўлганда бир марта ҳақ ундирилади.

Харидор ва сотувчига ҳар хил банк хизмат кўрсатганда, ҳар бир банк ушбу сумманинг ярми миқдорида комиссия ундиради (103 000 сўм).

Кўчмас мулк ва/ёки автотранспорт воситаси бўйича олди-сотди битими тузилмаган ёки бекор қилинган ҳолларда харидорнинг эскроу ҳисобварағидан маблағларни нақд ёки нақдсиз шаклда қайтариш хизмати бепул.

Шунингдек, бу тизим эндиликда хусусий нотариусларга қўшимча юкламалар юклайди. Чунки кўчмас мулк ва автотранспорт воситалари олди-сотдиси банклар томонидан очиладиган эскроу ҳисобварақлари орқали амалга оширилади.

Шу сабабли “Микрокредитбанк” АТБга ПФ-246-сон Фармон доирасида жами 51 та хусусий нотариус бириктирилди. Эндиликда ушбу хусусий нотариуслар банк иш кунларидан ташқари 27 таси шанба ва 10 таси якшанба кунлари иш фаолиятини амалга оширади.

“Микрокредитбанк”АТБ томонидан дам олиш (шанба ва якшанба) кунлари ишлайдиган хусусий нотариусларга бириктирилган банк бўлинмаларида мижозларга хизмат кўрсатиш бўйича барча шарт-шароитлари тўлиқ таъминланиши билдирилган.

“Микрокредитбанк”АТБда жами 806 та банкомат мавжуд бўлиб, шундан 151 таси “CASH IN-CASH OUT” тизимида, яъни банк карталарига банкоматлар орқали нақд пул маблағларини кирим қилиш имконияти мавжуд.

Банк томонидан 2026 йил давомида 2 000 (икки минг) дона Uzcard тўлов тизимида ишловчи PAX A 930 русумли ва 1 000 (бир минг) дона HUMO тўлов тизимида ишловчи Sunmi P3 русумли савдо терминаллари банк мижозларига фойдаланиш учун топширилди.