Nufuzli musobaqada O'zbekiston, Turkmaniston, Qirg'iziston, Qozog'iston va Tojikiston kabi davlatlardan 200 nafarga yaqin iqtidorli sportchilar (U-15, U-16, U-17 yosh toifalari) o'zaro bellashmoqda.

Сhempionatning tantanali ochilish marosimida O'zbekiston kasaba uyushmalari Federatsiyasi raisi Qudratilla Rafiqov ishtirok etib, musobaqaga start berdi. Bugungi kunda sportchilarining xalqaro tajribalarini yuksaltirish, xususan, suv sporti sohasida yetakchi xorijiy davlatlar bilan o'zaro manfaatli hamkorlikni tizimli yo'lga qo'yish, sportchilarni xalqaro musobaqalarga tayyorlash, yuqori malaka va tajribaga ega murabbiylar tarkibini shakllantirish yo'nalishlarida tizimli ishlar amalga oshirilayotgani ta'kidlandi.

Musobaqaning ilk kunida hamyurtimiz Anastasiya Zelinskaya 400 metrga kompleks suzish bo'yicha marraga birinchi bo'lib yetib keldi va O'zbekiston sharafini munosib himoya qildi.

Yuqori saviyada tashkillashtirilgan chempionatning ochilish marosimida xorijiy mehmonlar qatnashib, sportchilarga muvaffaqiyatlar tilashdi.

Marosim yakunida O'zbekiston hamda qardosh mamlakatlar madaniyatini aks ettiruvchi go'zal kuy-qo'shiqlaridan iborat kontsert dasturi namoyish etildi.

Diyora Ravshanova

Ishonch.uz