1 декабрдан иш ҳақи, пенсиялар ва ижтимоий нафақалар оширилади – Президент фармони
Президентнинг 2023 йил 17 ноябрдаги “Иш ҳақи, пенсиялар ва нафақалар миқдорини ошириш тўғрисида”ги 196-сонли фармонига кўра, жорий йил 1 декабрдан иш ҳақи, пенсиялар ва ижтимоий нафақалар 7 фоизга оширилмоқда.
Бунда:
– пенсияни ҳисоблашнинг базавий миқдори – 372 минг сўм;
– ёшга доир энг кам пенсия миқдори – 725 минг сўм;
– меҳнатга ҳақ тўлашнинг энг кам миқдори – 1 млн. 50 минг сўм этиб белгиланмоқда.
Президентнинг ушбу фармонига биноан 4,5 млн. нафар кишининг пенсия ва нафақалари миқдори кўпаяди ва барча бюджет ташкилотлари ходимларининг ойлик маошлари декабрдан бошлаб, 7 фоизга ошган ҳолда ҳисобланади.
Қайд этилишича, базавий ҳисоблаш миқдори ҳам 1 декабрдан 3 фоиз миқдорда ошиб, 340 минг сўм этиб белгиланмоқда.
Маълумот учун, йил давомида иш ҳақи, пенсия ва ижтимоий нафақалар жами 14,5 фоизга, базавий ҳисоблаш миқдори эса 13 фоизга ошган эди.
Mақолага баҳо беринг
0/50
0
0
0
0