3 ёшга тўлмаган фарзанди бор ходимлар учун ҳам имтиёзлар бор
Савол: —3 ёшга тўлмаган фарзанди бор ота-оналар учун қисқартирилган иш вақти қандай тартибда белгиланади ва қандай имтиёзлар берилади?
Жавоб: —Ўзбекистон меҳнат қонунчилигига кўра, 3 ёшга тўлмаган боласи бор ота-онадан бирига ёки боланинг васийсига қисқартирилган иш вақти белгиланиши мумкин. Бюджет ташкилотларида бундай ходимларнинг ҳафталик иш вақти 35 соатдан ошмаслиги керак. Бошқа ташкилотларда эса қисқартирилган иш вақти жамоа шартномаси ёки иш берувчининг ички ҳужжатлари асосида белгиланади. Энг муҳими, қисқартирилган иш вақтида ишлаётган ходимга тўлиқ иш вақтида ишлайдиган ходим сингари миқдорда иш ҳақи тўланади. Демак, фарзанди ўт 3 ёшга тўлмаган ходим иш вақти қисқартирилган бўлса ҳам, меҳнат қонунчилигида назарда тутилган мазкур кафолатдан фойдаланиши мумкин.
