“Пайшанба куни Даккада BTV давлат телерадиокомпанияси биносига намойишчилар томонидан ўт қўйилган.

Телекомпаниянинг Facebookдаги расмий саҳифасида ичкарида маълум сабабларга кўра ташқарига чиқа олмаган одамлар қолгани ҳақида хабар пайдо бўлди. BTV раҳбарияти ўт ўчириш бўлимидан ёрдам сўрамоқда.

Бангладеш ахборот вазирининг айтишича, эшиттиришлар тўхтатилган ва кўпчилик ходимлар бинони тарк этган.

Талабалар давлат секторидаги иш жойларининг учдан бир қисмини Покистондан 1971 йилдаги мустақиллик уруши фахрийларининг қариндошлари учун ажратадиган тизимни ўзгартиришни талаб қилиб кўчаларга чиқди. Улар ҳозирги амалиётни камситиш деб аташади ва ишга қабул қилиш ҳар бир номзоднинг малакасига асосланишини талаб қилишмоқда.

Намойишларни бостириш мақсадида расмийлар пайшанба куни бутун мамлакат бўйлаб мобил интернет алоқаларини узишди. Бироқ, бу ёрдам бермади, аксинча, шифокорларнинг фикрига кўра, ўша куни кўпчилик вафот этган. Мустақил манбаларга кўра, намойишлар бошланганидан бери 32 киши ҳалок бўлган.

“ВВС Bango” ҳозиргача 17 киши, жумладан 32 ёшли Дҳака Тимес журналистининг ўлимини тасдиқлай олди.

Бангладеш Бош вазири Шайх Ҳасина талабаларни хотиржамликка чақирди, бироқ вазият пайшанба куни ёмонлашди. Полиция кўчалар бўйлаб инсон занжирларини ҳосил қилган талабаларга қарата кўздан ёш оқизувчи газ ва резина ўқлар ишлатган.

BTV вакилига кўра, телекомпания биносига бостириб кирган талабалар аввалроқ полиция бўлимига ўт қўйган. Ахборот вазирининг сўзларига кўра, полиция ва хавфсизлик кучлари бинони ўраб олган, бироқ ҳозирча ҳал қилувчи кучга эга эмас.

Аммо талабалар орқага қайтмаса, қатъий чоралар кўрилиши мумкин.

Гулруҳ ОДАШБОЕВА тайёрлади