Давлат жорий йилги ҳосилдан 1 млн тонна буғдой харид қилмоқчи
Шунингдек, буғдойнинг уни етиштирувчилар ихтиёрида қоладиган қисми ҳақида ҳам маълумот берилди.
Ўзбекистон ҳукумати жорий йилда суғориладиган майдонларнинг ҳар гектаридан ўртача 2,5 тоннадан, жами 2 млн 537 минг тонна буғдойни қабул қилишни режалаштирмоқда.
Бу борада ишлаб чиқилган Ҳукумат қарори лойиҳасига кўра, 2024 йил ҳосилидан фермер хўжаликлари ҳамда бошқа ғалла етиштирувчилардан 800 минг тонна товар буғдойни давлат ресурси сифатида ва 200 минг тонна буғдойни уруғлик сифатида Жамғарма маблағлари ҳисобидан харид қилади.
Шу билан бирга, буғдой етиштирувчилар ихтиёрида қоладиган буғдойнинг 1 млн 537 минг тоннаси вақтинчалик сақлаш учун дон корхоналарига қабул қилинади.
Давлат ресурси сифатида қабул қилинадиган товар буғдой ҳажмлари биржа савдолари орқали тенг рақобат асосида ун ишлаб чиқариш қувватларига эга бўлган тадбиркорлик субъектларига сотилиши таъминланади.
Вақтинча сақлашга қабул қилинадиган товар буғдой ҳажмлари барча тадбиркорлик субъектларига биржа савдолари орқали чекловларсиз сотилади.
Белгиланишича, «Ўздонмаҳсулот» АК тизимидаги корхоналар ва буғдойни сақлаш қувватига эга бўлган тадбиркорлик субъектлари Жамғарма номидан буғдой етиштирувчилардан товар буғдойни сотиб олиш, қабул қилиш ва сақлаш, шунингдек, харидорларга юклаб жўнатиш ишларини амалга ошириш бўйича тижорат вакили ҳисобланади.
Долзарб мавзулар
Mақолага баҳо беринг
0/50
0
0
0
0