• Статистик маълумотларга кўра, болалар кунига 300-400 марта кулишади. Катталар эса кунига кўпи билан 15-20 марта.
• Кулгини ўрганадиган фан — геотология.
• Кулги ўпкани тозалайди. Кулганимизда, узоқроқ ва чуқурроқ нафас оламиз. Бу билан ўпкамизни машқ қилдирамиз, кўпроқ ҳаво чиқарамиз. Шунингдек, ўпка қон оқимини яхшилаймиз.
• Кулги бахт гормони — эндорфин ишлаб чиқаришга ёрдам беради. У нафақат бизнинг кайфиятимиз учун жавобгар, балки оғриқни ҳам енгиллаштиради.
• Кулги вазн йўқотишга ёрдам беради. Олимларнинг ҳисоб-китобларига кўра, кунига 15 дақиқа кулиш ҳафтасига уч марта 30 дақиқа машқ ўрнини босади.
• Кулги — энг яхши дам олиш. 5 дақиқа соғлом кулги 30-40 дақиқа дам олиш ўрнини босади.
• Кўп одамлар кулишдан ажинлар пайдо бўлади деб ўйлашади. Мутахассисларнинг таъкидлашича, кулги юз мушакларини кучайтиради, терини соғлом ва ёшроқ қилади.
• Аёллар эркакларга қараганда тез-тез кулишади. Аёлларнинг табассуми табиатига хосдир.
• Германияда масхарабоз шифокорлар уюшмаси мавжуд бўлиб, улар ўйинлар, кулги ва қувноқ кайфият туфайли оғир касал болаларни даволашда ёрдам беришади.
• Табассум жуда “юқумли”. Ўткинчига табассум қилинг. У ҳам, сизга, албатта, кулги билан жавоб қилади.
  
  Кулги ҳақида кулгили эслатма:
  
  Одамлар бор кулганини биров эшитмайди. Буни фақат, уларнинг юз ифодасидан билиш мумкин. Бундай кулгини “тулки кулгиси”, дейилади.
  
  Яна бир хил кулги бор, хандон отиб бутун танаси билан силкиниб, атрофни ларзага солиб кулади. Бундай кулгини “шер кулгиси”, дейиш мумкин.

Анваржон Ҳалимов тайёрлади