Минг йиллик мерос асраб қолинди(ми?)
Прокуратура органлари томонидан Маданий мерос агентлиги билан ҳамкорликда тарихий ёдгорликларни муҳофаза қилиш ва сақлашга қаратилган тизимли назорат тадбирлари ўтказиб келинмоқда.
Ушбу тадбирлар натижасида минг йиллик тарихга эга бўлган кўплаб тарихий ёдгорликлар йўқолиб кетиш хавфидан сақлаб қолинмоқда. Бу ҳақда Бош прокуратуранинг телеграм каналида хабар берилди.
Хусусан, Самарқанд вилояти Иштихон туманида жойлашган IV-VIII асрларга оид “Номсизтепа-3” археология ёдгорлигини 9,6 кв.м қисми фуқаро О.Т. томонидан ўзбошимчалик билан бузиш ҳаракатлари бошлангани аниқланиб, ўз вақтида тўхтатиб қолиниши натижасида ушбу тарихий ёдгорликнинг 652 кв.м майдони сақлаб қолинди.
Шу каби Тошкент вилояти Бўстонлиқ туманида жойлашган илк ўрта асрларга оид “Қўшқўрғонтепа” археологик ёдгорлигини 7,4 кв.м тупроқ қисми маҳаллий фуқаролар томонидан ноқонуний равишда кесиб олиш ҳаракатлари бошлангани аниқланиб, жиноий қилмишлар ўз вақтида олди олиниши натижасида ушбу объектнинг ҳам 492 кв.м майдони сақлаб қолинди.
Ёдгорликларга етказилган 288 млн сўм зарар юзасидан жиноят ишлари қўзғатилиб, дастлабки тергов ҳаракатлари олиб борилмоқда.
Долзарб мавзулар
Mақолага баҳо беринг
0/50
0
0
0
0