Президент Шавкат Мирзиёев Аҳмадобод шаҳри ҳудудида юз берган авиаҳалокат оқибатида кўплаб инсонлар ҳалок бўлгани ва жиддий жароҳат олгани муносабати билан Ҳиндистон Республикаси Президенти Драупади Мурму ва Бош вазири Нарендра Модига таъзия мактуби йўллади.

Президент матбуот котиби Шерзод Асадовнинг маълум қилишича, давлат раҳбари қурбон бўлганларнинг оила аъзолари ва яқинларига, бутун Ҳиндистон халқига чуқур ҳамдардлик изҳор этган, жароҳат олганлар тез фурсатда соғайиб кетишини тилаган.

Маълумот учун, Hindustantimes нашри айни пайтда авиаҳалокат қурбонлари сони 120 нафарга етганини маълум қилди.