Японияда қўл ва оёқ тўқималарининг нобуд бўлишига олиб келадиган вирусдан касалланганлар сони ортмоқда

Бу ҳақда РИА новости сайти хабар берган. Маълумотларга кўра, йил бошидан буён 801 та ҳолат қайд этилган бўлиб, бу ўтган йилга нисбатан қарийб 3 баробарга кўпдир. Инфекциянинг бундай тезлик билан кўпайиши сабаблари ҳали аниқланмаган.

Токио маъмурияти ҳаво томчилари орқали юқаётган инфекциянинг олдини олиш учун аҳолини эҳтиёт чораларини кўришга чақирмоқда. Шифокорларнинг айтишича, теридаги энг кичик ёриқ ҳам бактериялар учун кириш эшигига айланиши мумкин.